Sidang/Rapat/Pengadilan Adat Batak: Surat Pengaduan Di ari 13 lalu tu 16 September 1929

SALINAN. Tuadopan ni na tarhormat Engku Kepala-kepala Kuria Penyabungan Tonga dohot Engku2 kepala-kepala kampung, sipanimbang rapat di SINONOAN.

Seorang Turis berfoto di Bagas Godang Panyabungan Tonga
Seorang Turis berfoto di Bagas Godang Panyabungan Tonga (photo: Halim Rangkuti  wikipedia.org)

Dengan hormat.

Au Ja Tiangsa sian sihepeng, kuriah Panyabungan Tonga ro tu adopanta sasu dena namora-namora on, mangkoloskan bope mangaduhon pardangolanku songon na tarsurat ditoru on. Di ari 13 lalu tu 16 September 1929 mambaen galangang ni naposo-poso dohot bujing-bujing di Sihepeng. Salanggang na tardek nangkin sangihutkon paradatan negeri (raja-raja dohot natobangtpbang) adat nangkin binaen muse na manortor dohot na manjembar.

De borngin parjolo manortor raja-raja, abis i masuk kepala-kepala suhu, abis i kepala-kepala ripe dohot na tobang2 . Dung abis i masuk ma na manortor gadis ni raja-raja disembar Si Batain dohot Si Sirun. Habis masuk ma aturan boru tulangku ditahan halahi au menjembar, nada tola natobang ning halai. Dohot do antong damena rap denggan do saborngis i.

Padua bornginna leng songon paraturan ni na parjolo i, tai dung tiko di aturan boru tulangku, masuk ma au, nama diora halahi be. Patolu bornginna i ma pangabisan, masuk jolo Sutan Kamarudin kepala-kepala kampung Sihepeng rap dohot kepala-kepala suhu, dung i anso masuk kepala-kepala ripe dohot natobang-tobang, dungi anso masuk Bayo-bayo. Sidungi anso masuk inang ni Sutan (namora na tobang) dung i ana saripe ni Sutan i (namora na poso) dohot ripe ni kahangginia.

Dung abis i anso masuk mulak natobang-tobang, kepala-kepala ripe dohot Bayo-bayo. Sidung i masuk ma gadis ni Sutan, dung i anso gadis ni Ja Parlagutan, sidung i masuk gadis ni Munte, disembar sada Bayo na tobang Mangaraja Pardamean halak Joring (Angkola Julu) abis i masuk muse ma parboru tulangonku,baru ditahan halai au harana natobang-tu au ning kalai adong dope anakku ning kalai na umposo, alusku songon on: „Anggo boru tulangku songon au do manjembarsa, tai sugari parmaenku anakku ma antong manjembar i, tai laing di tahan halai do, hara ni i ning ku ma Antong ulang masuk na tobang menjembar gadiskon. Jadi ningkala Dungi masuk muse gadis ni na lain masuk Ja Panyahatan, lobi tebang dope sian au. Husapai biasi sengon i. Alus ni halai „nada dapot nansing na manjembarsampadohal dimadua borngin na solpu i lamg bahatdo na manjembarsa.

Pandok ni halai “Lain do i, muda adong nasaia parbuatan i mangadu au. Jadi ro antong milas ni rohangku, angke somgon nadung di ruar adat au hulala, bo hujunguhi tonga tonga ni galanggang i. Mantak ma antong santongkin na margondang i, au antong mui masian i. Tai dung muli au di masukkon halai ma na tobang tobang sajo manjembar, lalu tu torang ari, na manjembar disi natobang ima: Ja Kuaso, Ja Parang, Sikajo anak ni Jamarali. Parkaro nagkin huadopan tu adopantan (Kapala Kuria Panyabungan Tonga). Olo antong dung ro raja i tu si Repeng, giot paraso-onna do tai ditahan natobang tobang i, halai meningkali pasidungsa.

Dung molei kuria antong marlagut halai sude di bagas godang, jadi ro pio-pio ni halai di au hum na mandok sangan mangaku do’ au adong hasalaanku disi. Alusku: „Olo, tai adong sobobna”. Nada porlu Sihalai sobobna, hara ni diparuar halai au santongkin.

Dung masuk mulak au didok halai ma kaputusanna marutang au seëkor kambing nipa lagut sude halak sabanua i bope danak na manortor i di hadilpa galanggang i, dalan mangido mohop. Tai dibaen hurang sonang do rohangku dihaputusan 1 ima anno mangido apel do au. Alus ni halai antong pade martanggu 15 hari.

Songon i ma da luani na huholoskan bope na huaduhon tu adopan ni hita sedé na mora-mora on, arop au anso hita ma mangelehen pangadilan ni i.

Au halak na hino.

w.g. Ja Tiangsa.

Voor eensluidend SALINAN.

De Assistent Demang van Panyabungan.

(w.g.) Onleesbaar.

 

Sumber: MEDEDEELINGEN  SERIE B No. 6: Nota omtrent de inlandske rektsgemeenskappen in het gewest Tapanuli, Penerbit: Koninklijke Bibliotheek -1929

 

Bagikan:

Leave a Reply